शिक्षा समाचार

टप्स मा.विको २६औँ वार्षिकोत्सव तथा अभिभावक दिवस कार्यक्रम सम्पन्न

पोखरा १०, रामघाटमा अवस्थित टप्स आवसिय स्कुलको २६औँ वार्षिकोत्सव तथा अभिभावक दिवस कार्यक्रम शनिबार विविध सांस्कृतिक कार्यक्रमका साथ सम्पन्न भयो ।

कार्यक्रमका प्रमुख अतिथि प्याब्सन केन्द्रीय उपाध्यक्ष डिके ढुङ्गानाले नेपालको शैक्षिक विकासमा निजी विद्यालयले खेलेको महत्त्वपूर्ण भूमिका उल्लेख गर्दै कास्कीको एउटा अब्बल विद्यालयका रुपमा स्थापित भएकामा टप्स मा.विको प्रशंसा गरे । सो अवसरमा विशेष अतिथि प्याब्सनका केन्द्रीय संगठन सचिव आर.वि. कटुवालले विद्यालयले गरेको प्रगतिको प्रशंसा गरे ।

कक्षा १२की छात्रा अञ्जली गुरुङको स्वागत मन्तव्य रहेको कार्यक्रममा अभिभावकका तर्फबाट रघुनाथ गुरुङले मन्तव्य राखेका थिए ।

पोखरा सभागृहमा आयोजना गरिएको कार्यक्रममा विद्यार्थीहरुले नाटक (अङ्ग्रेजी, नेपाली), गीत, नृत्य प्रस्तुत गरेर अभिभावक तथा अतिथिहरुलाई मनोरञ्जन प्रदान गरेका थिए ।

कार्यक्रममा कक्षा दशमा अध्ययनरत विद्यार्थीलाई सम्मानका साथमा शुभकामना व्यक्त गरिएको थियो । त्यसैगरी एसइइमा उत्कृष्ट एक जना छात्रा र एक जना छात्र तथा कक्षा १२मा व्यवस्थापन र विज्ञान विषयमा उत्कृष्ट अङ्क हासिल गर्ने विद्यार्थीलाई जनही १० हजार पुरस्कारसहित सम्मान गरिएको प्लस टु संयोजक निर्मल सोतीले जानकारी दिए । कार्यक्रम शिक्षक चित्र कुमार गुरुङ, चेतमाया गुरुङ र विद्यार्थीहरुको सहकार्यमा सञ्चालन गरिएको थियो ।

कार्यक्रम विद्यालयका संस्थापक प्राचार्य रत्नमान गुरुङको अध्यक्षतामा सम्पन्न भएको थियो।

Leave a Reply

Your email address will not be published. Required fields are marked *

Related Post

89 Shares
Share89
Tweet
Pin